ఈ స్నేహం

(అంశం : నా అల్లరి నేస్తం) 

ఈ స్నేహం

రచన ::విజయ మలవతు

మర్యాదగ మొదలైన అనుకోని పరిచయం
ఓయ్ పిల్లా..ఏంటి అబ్బాయిల వరకూ
సరదాల స్నేహంగా రూపుదిద్దుకున్న వైనం..

చిలిపి అల్లర్ల జల్లుగా, అపార్థాల అల్లికగా
కాలాన కరిగి..గతంగా మిగిలిన అలనాటి
స్నేహబంధపు పునరాగమన సూచికగా
నేటి వర్తమానంలోకి తొంగిచూసిన వైనం…

ఏ జన్మబంధమో కదా అనిపించేంతలా..
మదిలోతుల మొదలైన పులకింతల పర్వం..
రేపటి భవితలోన ఏ తీరుగ మారునో..
అనుకోని ఏ మలుపులు తిరుగునోనని
కలవరముల గిలిగింతగ సాగుతోన్న నెయ్యం..

నీ తోడు చాలుగా నేను సాధించలేనిది ఏమని
నీపై నా నమ్మకం ..నీవేగా నా మనోధైర్యం..
అనుకోని బంధాల అతిధిలా కాక..విడిపోని
అనుబంధమై నాతో ఉండిపో, ప్రియనేస్తమా..
అంతులేని అల్లరి ఙ్ఞాపకాల స్నేహబంధమై..!!