నా అక్షరాలు
రచయిత :: శ్రీలత. కే
నా అక్షరాలు ఆకాశం లోని నక్షత్రాలు,
నా అక్షరాలు పచ్చికబయళ్లపై ఆడుకునే
బంగారు వర్ణపు లేడిపిల్లలు,
నా అక్షరాలు తమరాకుమీది
మంచుతుంపరలు,
నా అక్షరాలు రంగురంగుల సీతాకోకలు,
నా అక్షరాలు నయాగరా జలపాతాలు,
నా అక్షరాలు పసిపాప నవ్వులోని శబ్దతరంగాలు,
నా అక్షరాలు నిశ్శబ్దపు నిశీధిలో సాగరగోషలు,
నా అక్షరాలు నా ఆలోచనల ఆకృతులు,
నా అక్షరాలు నా మదిభావాల పరిమళాలు,
నా అక్షరాలు నూతన శకానికి నాంది వాక్యాలు..
నా అక్షరాల ఆయువుతో…
కవిగా…
కవితగా..
కథగా…
వస్తున్నాను…
బహుదూరపు బాటసారినై..
జీవన గమ్యాన్ని ఛేదించాలని…