ఒక చిన్న ఆశ
రచయిత :: శ్రీదేవి శ్రీనివాస్ కొప్పిశెట్టి
మొక్కనై మురిపెంగా మురవాలనీ పూవునై పరిమళాన్ని విరజిమ్మాలనీ ,
చెట్టునై మధుర ఫలాలను అందించాలనీ,
కోకిలనై కుహు కుహు రాగాలు ఆలపించాలనీ
చిలుకనై కిలకిల రావాలు పలకాలనీ,
జలపాతమునై జల జలా జారాలనీ , నదినై హొయలొలుకుతూ ఉరకలెయ్యాలనీ,
మత్స్యమునై నీటిలో ఈదాలనీ, మయూరమై పురివిప్పి నాట్యమాడాలనీ,
చెవుల పిల్లినై చెంగు చెంగుమని గంతులెయ్యాలనీ,
కోతిపిల్లనై ప్రతీ కొమ్మనీ పలకరించాలనీ,
విమానమై గగనంలో విహరించాలనీ , రాకెట్టునై చుక్కల లోకాన్ని చుట్టేయాలనీ ,
సూర్యుడినై నులివెచ్చని కిరణాలతో స్వాగతం పలకాలనీ,
చంద్రుడినై చల్లని కౌముదిని పంచిపెట్టాలనీ,
హరివిల్లునై ఆకాశంలో మెరవాలనీ,
పర్యావరణమునై ప్రతీ దినం ప్రకృతి ఒడిలో పరవశించాలనీ
నాలో “” ఒక చిన్న ఆశ “”