నీ స్నేహమే…! నాకన్నీ…..!!!
రచన: నాగ రమేష్ మట్టపర్తి
నా అజ్ఞానాంధకారానికి
జ్ఞానజ్యోతి ప్రకాశం ” నీ స్నేహం “…
నా కన్నీటిని పన్నీటిగా మార్చే
మహేంద్రజాలం ” నీ స్నేహం “…
నా నిర్జీవాధరములపై చిగురించే
చిరునవ్వు ” నీ స్నేహం “…
నా విసుగుగొందిన వీనులకు
వసంతగానం ” నీ స్నేహం “…
నా హృదయంలో వేదనలకు
దివ్యౌషధం ” నీ స్నేహం “…
నా కష్టనష్టాల జీవితానికి
సహభాగస్వామ్యం ” నీ స్నేహం “…
నా మోడుబారిన జీవితానికి
నవ వసంతం ” నీ స్నేహం “…
నా సమస్త విజయాలకు
మూలాధారం ” నీ స్నేహం “…
సకలైశ్వర్యములు సమృద్ధిగా ” ఉన్నా “…!
” నీ స్నేహం ” లేని నా జీవితం ” సున్నా “…..!!!