ఓ గృహిణీ…! నీకు పాదాభివందనం
రచన : నాగ రమేష్ మట్టపర్తి
అలుపెరుగక తిరిగే యంత్రంలా…
శ్రమిస్తావు ” నిత్యం ”
ఇంటిపనుల్లో అటుఇటు తిరుగుతూ…
చేస్తావు ” నృత్యం ”
సమయానికి ముందే పూర్తి చేస్తావు…
ప్రతీ ” కృత్యం ”
అందరూ తినగా మిగిలిన కొంచమే…
నీకు ” పత్యం ”
నీ కష్టానికి ఆశించవు ఏనాడూ…
ఏవిధమైన ” భత్యం ”
నీవు విలువకట్టలేని…
అపూర్వ ఆణి ” ముత్యం ”
ఇది జనమెరిగిన, జగమొప్పిన…
గొప్ప ” సత్యం ”
ఇంత ఉన్నతమైన నీ పై చూపిస్తారు…
అందరూ అనవసర ” ఆధిపత్యం ”
లోకమా…!
మగువ విలువ తెలుసుకో…!
ఆమెతో గొప్పగా మసులుకో…..!!!