పండు వెన్నెల
రచన: రాధ ఓడూరి
చందమామ మురిసిపోతూ పండు వెన్నెలలో జలకాలాడగా…
నల్లని మబ్బులను హంస తూలికా పాన్పుగా చేసుకోగా…
తారా లోకం మెరిసే పూవులుగా దేవకాంచనాలను తలపిస్తుంటే…
పండు వెన్నెల భువిని తాకి నెమలి నాట్యం చేస్తుంటే…
ఆ వెన్నెల రేయిలో నీవు నా ఎదురుగా ఉండగా నా హృదయం మోహనరాగం ఆలపిస్తోంది..
కురిసే వెన్నల వాన సంపంగి సువాసనలను వెదజల్లుతోంది..
నీ రాక బృందావనాన్ని తలపిస్తుంటే…
నా కనుపాప సైతం నిను దాచిన నా మేను హరిచందనమవుతోంది.