షడ్రుచుల సమ్మేళనం
వసంత ఋతువు ఆగమనం
తెలుగు తనపు నూతన గమనం
ప్రకృతి ఇంట సరికొత్త శోయగం
షడ్రుచుల సమ్మేళనం ఈ పర్వదినం
లేలేత చిగురుల రుచులెరిగిన కాలం
కొమ్మ మాటున గండు కోయిల గానం
ఉషోదయపు వెలుగుల శోభాయమానం
ఆమని మేనికి అందాలద్దే ఉగాది ఆగమనం
మానవ మనుగడలో కష్ట నష్టాలకు ప్రతీక
ఆరురుచుల ఉగాది పచ్చడి మేలి కలయిక
నయా సంవత్సరాది ఈ తెలుగు యుగాది
గడప గడపన ఆనందాల వేడుక ఈ ఉగాది
రచన: శ్రీ గురు గొల్లపల్లి