ఉత్కృష్టమైన రంగును నేను.!( స్వగతం)
రచన::పిల్లి.హజరత్తయ్య
ఇంద్రధనస్సులోని రంగునై
ఇలలోని కాంతల మనసును దోచినాను
తెలుగువారి పసందైన వంగపండుకూరనై రుచిచూపించినాను
డిసెంబరు పూలు రంగునై
స్త్రీల మనసులనుకట్టిపడేసినాను
పగడపు కాంతులలో వర్ణమునై
మనుషుల సౌందర్య లేపనమై మెరిసినాను
సూర్యభగవానుడికి అత్యంత ప్రీతిపాత్రమై
ఆయన వాహనపు రంగనై అలరారినాను
ధ్యానము, క్రతువుల చేయు
సమయాన ఊదారంగు జ్వాలగా కొలవబడి
ఆధ్యాత్మిక జీవనానికి బాటలు వేసినాను
అనుకూల ఆలోచనలకు దర్పణమై
తెలివి తేటలకు తార్కాణంగా నిలిచిన
ఉత్కృష్టమైన రంగును.. అందరిని మెప్పించినదానను.. నేను…!
…
