అందమైన బొమ్మ (పడతి)
రచయిత:: సుశీల రమేష్.
అందమైన బొమ్మా !
అందాల భరిణ వమ్మా !
పుట్టింది మొదల అపురూపంగా చూస్తారమ్మా !
నీవు లేని ఇల్లు ఇల్లు కాదమ్మా !
నీ ఆట పాటలు చూడలేని కళ్ళు ఎందుకమ్మా !
నీ పలుకు వినలేని చెవులు ఎందుకమ్మా !
తండ్రి హృదయ సామ్రాజ్యానికి మహారాణివమ్మా !
తల్లి కలల పంట వమ్మా!
అరిటాకు నని, అబలనని బాధ పడకమ్మా !
మాయ మాటల వలలో పడకమ్మా!
సెలయేరులా సాగిపోమ్మా !
పాప గా, చెల్లిగా, అలిగా, తల్లిగా
పదవులు ఉన్న ఆదిశక్తి వమ్మా !
సృష్టికి మూలం నీవమ్మా !
ప్రేమకు ప్రతిరూపం నీవమ్మా !
అపర కాళిలా మారిన వేళ నిన్ను
ఎవరు తాళగలరమ్మా !
మౌనం ఎందుకమ్మా !
మౌనాన్ని అర్ధాంగీకారం అంటారమ్మా !
నీకు అవగతం కాని విషయం ఏదమ్మా !
నీ ఆలోచన శక్తి అద్భుతమమ్మా !
నీకు ఏం కావాలో నీకు తెలుసమ్మా !
నీవు అబలవు కాదమ్మా !
ఆడ పులివమ్మా. !
***