నా దేవి కోసం
నువ్వో కలవా??
కానే కాదు…!
కలవే అయితే..
నా కనులలో నిండిపోయే దానివి కాదు…
కలల నుండి నేను
మేలుకునే వాడిని కాదు…..
ఓ ఊహావా?
కానే కాదు..!
ఊహావే అయి ఉంటే ..
ఊహకందని ఊసువి అయ్యే దానివి కాదు…
నా ఊహాలోకం అంతా నువ్వే అయ్యే దానివి కాదు..
ఓ ఆశవా..?
కానే కాదు…
ఆశవే అయి ఉంటే..
నాలో కొత్త ఆశలకు ఊపిరి పోసే దానివి కాదు..
నా ఊపిరికి ప్రాణం నువ్వే అయ్యేదానివి కాదు…
ఓ కోరిక వా…?
కానే కాదు…
కోరికలే అయి ఉంటే …
నా కలలకి ప్రతి రూపం అయ్యే దానివి కాదు…
నా కోరికలకు కొత్త రెక్కలు తొడిగి నాతో ఉండేదానివి కాదు…
ఓ ఆలోచన మాత్రమేనా…?
కానే కాదు…
ఆలోచనే అయి ఉంటే నా ప్రతి ఆలోచన గమ్యం
నువ్వు అయ్యే దానివి కాదు..
నా జీవితం ప్రతి క్షణం లో నువ్వు మిగిలిపోయే దానివి కాదు…
ఓ జ్ఞాపకం మాత్రమేనా…?
కానే కాదు…!
జ్ఞాపకం అయ్యి ఉంటే నా ప్రతి గుండె సవ్వడి నువ్వే అయ్యే దానివి కాదు…
నే కోరుకునే ప్రతి జ్ఞాపకంకి చిరునామా నువ్వే అయి ఉండేదానిని కాదు…
కానీ నువ్వు నాకెవ్వరు…
మనకి సమాధానం తెలియని ఓ ప్రశ్నలో జంట పక్షులం…
బంధమే తెలీని ఓ వింత మనుషులం..
కోరుకునే క్షణాల్లో మనసు కోరుకునే వింత ఆరాటం కి భాగస్వామ్య ప్రేమికులం..!
రచయిత :: తపస్వి
😍😍😍superb sir👏👏👏
As usual superb sir…👌👌
Mi vinta anubandham, bhagaswamya prema bagunnay Karthik garu
వింత ప్రేమికుల గురించి మీ అంత బాగా ఎవరు రాయలేరూ సర్..కవిత చాలా బాగుంది👌👏👏
Wow sir చాలా చాలా బాగుంది. మీ దేవి కోసం మీ ప్రేమ 👌👌👏🏻👏🏻👏🏻🌹🌹🌹