నవ్వండి మనసారా
రచన: ధరణీప్రగడ వేంకటేశ్వర్లు
కనిపించీ కనిపించని నవ్వులా,
నాన్న మనస్సులా స్వచ్ఛంగా,
నవ్వండి నవ్వండి మనసారా;
ముద్దుగా ముద్దైన నవ్వులా,
అమ్మ ప్రేమలా ప్రేమగా,
నవ్వండి నవ్వండి మనసారా;
బోసి పసిపాప చూసే నవ్వులా,
వన్నెల వెన్నెల కురిసెలా,
నవ్వండి నవ్వండి మనసారా;
వెగటు పుట్టని నవ్వులా,
ప్రేమికుల చిలిపితనంలా,
నవ్వండి నవ్వండి మనసారా;
అరమరికలు లేని నవ్వులా,
స్నేహితులు చేసే అల్లరిలా,
నవ్వండి నవ్వండి మనసారా;
విలనిజం లేని హీరోలా,
ఆరోగ్యంగా, ఆహ్లాదంగా,
తనివితీరా తీరికగా,
పెదవిపై పలువరుస మెరిసేలా,
మల్లె పూవులా, మందారంలా,
ఇక ఆలస్యం చేయకుండా
నవ్వుతూనే వుండండి మనసారా