🙏నేటి రామ రాజ్యం🙏
రచన:: విజయ మలవతు
యాగఫలముగా జనియించిన రామ లక్ష్మణ
భరత శత్రుజ్ఞుల మధ్య సోదర ప్రేమకు నిదర్శనం రామరాజ్యాన….
ఆస్తి పాస్తులకై ప్రాణాలే బలి కోరుకునే సోదరులే నేటి కలియుగ జగతిన….
జ్ఞాన సముపార్జనకై రాజభోగాలు విడచి
గురుకులానికేగిన బాల రాముడు ఆ కాలాన..
కరోనా రక్కసి ధాటికి గడప దాటని శిష్యుల పంధా నేటి యుగాన..
తండ్రి మాటకై రాజ్య పట్టాభిషేకాన్ని విడనాడి
కానల కేగిన రామచంద్రుడు ఆ కాలాన..
తల్లిదండ్రుల సర్వస్వాన్ని దోచుకొని
వృద్ధాశ్రమాల పాలు చేస్తున్న బిడ్డలు నేటి జగాన..
ఏకపత్ని వ్రతునిగా ఆదర్శ పురుషుడుగా
నిలచిన సీతారామచంద్ర ప్రభువు ఆ కాలాన
పతి పత్ని ల సంబంధ బాంధవ్యాలకు
నిర్వచనాన్ని కొత్తగా చూపుతున్న జంటలు నేటి కలియుగాన..
రాతిని నాతిని చేసిన జగదభిరాముడు ఆ కాలాన
పునీతను పతితగా మారుస్తున్న ఆకలి పులులు నేటి యుగాన..
ఎన్నని చెప్పను రామరాజ్యానికి కలియుగానికి పరమ వ్యతిరేక రీతి,
ఈ కలియుగాన జనుల తీరని..…
***