అంశం : (“తెలంగాణ బోనాలు”)
తొలి మహోత్సవము
-పిల్లి.హజరత్తయ్య
తరతరాల నమ్మకాలు సాంప్రదాయాల
ఆచార రూపమే బోనాల పండుగ
ప్రజల కడగండ్లు తీర్చే అమ్మవారికి
భక్తి నైవేద్యం సమర్పించే వేడుక
మనిషిని కాపాడిన దేవతలను
దుష్టసంహారం చేసిన దేవి అవతారాలను
భక్తిభావంతో పూజించే
రౌద్రం,శాంతి మేళవింపుల ఉత్సవము
సమాజ శ్రేయస్సు ఆకాంక్షించి
సమాజాన్ని గౌరవించే దినోత్సవము
తల్లిగారింటికి కుమార్తె వచ్చినట్లుగా
అమ్మవారికి కానుకలు సమర్పించి
ప్రకృతిని,అమ్మవారిని కొలిచే వేడుక
‘బలి’ అనే ఆచారాన్ని గావించి
మనిషి జీవితానికి ప్రతీకైన
మట్టి కుండ బోనం సమర్పించి
అమ్మవారిని ప్రసన్నం చేసుకునే పర్వదినము
స్త్రీకి మహంకాళి దేవతా వహించి
భవిష్యత్ దర్శనం గావించు పండుగ
కోలాహలమైన ఊరేగింపు ఘట్టంతో
అమ్మ వారి నిమజ్జనం కావించే తొలి మహోత్సవము
***