వారి బాల్యాన్ని వారికి ఇచ్చేద్దాం
రచన: నాగ రమేష్ మట్టపర్తి
నాల్గవ ఏట రాకుండానే…
చేర్చేస్తారు ” నర్సరీ ” లో…..
ఐదవ తరగతి పూర్తవ్వగానే…
వేసేస్తారు ” రెసిడెన్షియల్ ” లో…..
అసలేమీ ఆలోచించరు…..
ఎంత వేదనుందో పిల్లవాడి ” హృదిలో “…..
ఏమీ పట్టదు మీకు…
ఏ లక్ష్యం ఉందో వాడి ” మదిలో “…..
అంటారు సదా…
ఉన్నత చదువే ” లక్ష్యం “…..
భావిస్తారు కదా…
పెద్ద హోదా ఉద్యోగమే ” జీవితం “…..
తీరా వాడు వృద్ధాప్యంలో మిమ్మల్ని…
” వృద్ధాశ్రమానికి ” పంపిస్తే రోదిస్తారా…..!?
మీరు దూరం చేసారు బాల్యంలో…
బిడ్డలకు మీ ” ప్రేమాభిమానాలు “…..
అందుకే దూరమయ్యాయి వృద్ధాప్యంలో…
మీ బిడ్డల ” ఆదరాభిమానాలు “…..
ముందు మీరు ” మారండి “…
అది చూసి మీ పిల్లలు
వారంతటవారే ” మారతారు “…..
బాలల దినోత్సవ శుభాకాంక్షలతో…..