నాటకాల జగతి

(అంశం:మానవత్వం ముసుగులో వ్యాపారం)

నాటకాల జగతి

రచయిత :: జయ కుమారి

నాటకాల జగతి లో
భూటకాల మనుష్యులు మధ్య.
నిత్యం నడయాడుతున్న జీవితాలు మనవి.!!

చూపులో ఉన్నది,మనసున లేనిది.
మనసున ఉన్నది, చూపులో కనిపించనది.
నాటకం.!!

మానవత్వపు ముసుగులో సేవ.
స్వార్ధం ఎంతో నిస్వార్ధం ఎంతో.
తెలియని జంజాటంలో
జరుగుతున్న మోసాలు ఎన్నో.!!

ఆకలి కోసం అలుపెరుగని పోరాటం ఒకరిది.
ధనార్జన కోసం గుప్పెడు మెతుకులు ఎరగా
విసిరే కుతంత్రాలు కొందరివి.!!

మనకి ఉన్న దానిలో
ఆకలి అని అడిగిన వారికి
ఒక ముద్ద అన్నం పెట్టడంలో ఉంది.
అసలైన బోగ భాగ్యాలు.!!

వారి అవసరాన్ని,నిస్సహాయత ను
ఆసరాగా చేసుకుని
మీ స్వలాభం కోసం చేసే
వ్యాపారం ఎంత వరకు సమంజసం.!!

వీలునైనంతలో చేయగలిగితే
సాయం చేద్దాం, మోసం కాదు.!!