దూరం ఉంటే మంచిది
రచన: కమల ముక్కు
మాటల్లోని ప్రేమ
మనసులో ఉండదు/
మనసులో ఉండేదొకటి
బయటకు మాట్లాడేదొకటి/
ప్రేమగా మాట్లాడే మాట వెనుక
జీవితాలను నాశనం చేసే
విషపు ఆలోచనలు/
నవ్వుతూ మాట్లాడుతూనే
వెనుక గోతులు తవ్వే రకం/
తీపి మాటలు వెనుక
విషపుటాలోచనలు ఎన్నో/
నీ సంతోషాలను చూసి
ఓర్వలేని తనమో
నీ అభివృద్ధి ని చూసి
కుల్లుకోవడమో
నీ వెనుక ఉన్నది లేనట్టుగా
ప్రచారాలు/
గోరంతలు కొండంతలు చేసి
ప్రపంచానికి చూపించండం/
నీతోనే ఉండేవారిలో
నీవారనుకునే వారిలో
నీ సొంతం అనుకునే వారిలో
మంచివారని ముసుగు ధరించిన
ఇలాంటి వారు ఎందరో/
వారెవరో తెలుసుకుని
దూరంగా జరిగితేనే మంచిది
లేకుంటే జీవితం
సమస్యల వలయంలో
చిక్కటం ఖాయం/