(అంశం: ” పెంకి పెళ్ళాం”)
మొండిమొగుడు – పెంకిపెళ్ళాం
రచన :: నాగ మయూరి
తనకేమో తెలియదు నే చెబితే వినదు
తలతిక్క పనులన్నీ చేసి తంటాలే తెస్తుంది
వామ్మో వగలాడి వంట చేస్తే వెన్నులోన వణుకే పుడుతుంది
పేరే తెలియని చిత్ర,విచిత్రమైన పదార్థాలు కలిపి పెడుతుంది
ఘుమఘుమ లాడే బిర్యానిలోకి /
కూర బదులు వడియాలు వేయిస్తుంది
చక్కని చుక్కలాంటి చపాతీని/
పాయసంలో ముంచుకు తినమంటుంది
కమ్మగ బంగాళ దుంపల వేపుడు చెయ్యమంటే /
నాకోసం బంగళా ఎప్పుడు కడతావంటూ గొడవకు దిగి, నన్నే వేయించుకు తింటుంది
నా మీద ఈగను వాలనివ్వదు,దోమని కుట్టనివ్వదు/
వాలినా,కుట్టినా,కొట్టినా నాపై తనకే హక్కుంది అంటూ అల్ప ప్రాణులను హడలెత్తిస్తుంది
నేనడిగినది ఏది చెయ్యనంటాది/
నేను వద్దు అన్నదే తను చేస్తానంటుంది….
నా ముద్దుల పెళ్ళాం నాడి పట్టేసిన నేనేమో నాకు కావలిసిందే వద్దు అంటూ నాటకమాడేస్తా
కాఫీ తాగాలనిపించిన సమయాన/
నాకు అసలు కాఫీ వద్దంటూ చెబితే చాలు
వేడి వేడి కాఫీ కప్పు చేతికి అందిస్తుంది
నేనేమో మొండి మొగుడు
తానేమో పెంకి పెళ్ళాం
నందన వనమే మాలోగిలి