ప్రశ్నించేనా అంతరంగం
రచన: క్రాంతి కుమార్
బానిస జీవితానికి
అలవాటు పడిన బ్రతుకులకు
ప్రశ్నించే అంతరంగం అనేది ఉందా ?
ఇష్టంలేని పనులు చేస్తూ
జీవనం సాగిస్తున్న మనుషులకు
జవాబు చెప్పే వారెవరు ?
తప్పని పరిస్థితుల్లో కొందరు
తప్పించుకోలేక మరి కొందరు
అంతరంగాన్ని అణచివేస్తూ
అంతరాత్మను సమాధి చేస్తూ
మనసును రాతిగ మలచి
ముఖాన నవ్వుల రంగులు అద్ది
బ్రతుకు పోరాటంలో సమిధలుగా
కాలిపోతున్న జీవితాలు ఎన్నో