సప్తవర్ణాల శోభితం
రచన: సుశీల రమేష్
నీలి అంబరమున అనూహ్యమైన
అందాన్ని ప్రకృతి గీసిన సప్తవర్ణాల శోభితం ఈ ఇంద్రధనస్సు.!
ఇది ధరణి రెండంచులను కలిపే వంతెనయా,లేక అధిక వర్షపాతం
ముగిసినది అని తెలుపుటకు ఆకాశము పంపిన సందేశమా !
పడతి జీవితమును కూడా
ప్రభావితం చేస్తాయి ఈ సప్తవర్ణాలు
వివాహ సమయమున పసుపు కుంకుమలు, తొలిరేయి నాడు తెల్లని మనసు తోడు, చిలక పచ్చని కాపురం లోని సిరి సంపదలు, మేళవింపు ఈ సప్త వర్ణముల సుందర సుమనోహర ఇంద్రధనస్సు వంటిది మగువ జీవితం.
ఉరికే యవ్వనానికి ప్రతీక గా
చెప్పవచ్చును సప్తవర్ణాల శోభిత ఇంద్రధనస్సును……