ఆశల దేహం
రచయిత: స్వప్న మేకల
ఏ గమ్యం వైపో ఊపిరి పయనం
ఏ ఆశల వెంటో ఊహల ప్రయాణం..
కదిలే మబ్బుల్లా అంతరంగపు ఆలోచనలు
ఎగిరే పక్షుల్లా ఆకాశానికి నిచ్చెన వేస్తున్నాయి…
ఆకుపచ్చని ఆశలు అవధులు దాటి
ఏ తీరాన్నో చేరాలనుకుంటాయి..
చిక్కుముడిని విప్పి చింతలేని
జీవనాన్ని గడిపేయాలనుకుంటుంది..
స్వార్ధపు తొడిగిన దేహం
ఆశల నిచ్చెన ఎక్కి రెక్కలు విప్పింది…
కలలొలికిన కన్నీటి తెర ఉప్పనై ఎగిసింది..
ఇపుడు మట్టితో దేహం కప్పబడింది..
చివరికి ఆశల నిచ్చెన మట్టిపై మళ్ళీ మెలిచింది..!!