ఇకనైనా మేలుకో
రచన:- కమల ముక్కు (కమల’శ్రీ’)
యువతా!!!
ఎటువైపు నీ పయనం
పుస్తకాలతో కుస్తీ పట్టాల్సిన వయసులో
చరవాణిలో ఆటలాడుతున్నావు//
మెదడుకు పదును పెట్టే
పదవినోదం పూరించే వయసులో
మత్తు పదార్థాలను తీసుకుని
మెదడు మొద్దు బారేలా చేస్తున్నావు//
ఆటపాటలతో వ్యాయామాలతో
శరీరానికి శ్రమ కలిగించడం మాని
గంటల తరబడి టీవీలకు
అతుక్కు పోతున్నావు//
స్నేహితులతో సరదాగా కలిసి
కబుర్లాడటం మాని
వాట్సప్ లూ ఫేస్ బుక్ ల్లో
ఛాటింగులు చేస్తున్నావు//
పెద్దవారిని ప్రేమగా పలకరించడం
వారి అవసరాలను తీర్చడం మాని
చీటికీ మాటికీ
వారిని చీదరించుకుంటున్నావు//
నువ్విలాగే ఉంటే
నువ్విలానే చేస్తే
యువతే దేశానికి వెన్నెముక
అన్న మాటలు ఏమౌతాయి//
ఇకనైనా మేలుకో
జడత్వం వీడు
అంతర్జాల మాదక ద్రవ్యాల టీవీల
మహేంద్రజాలం లో మునిగిపోకుండా
నిన్ను నీవు తీర్చిదిద్దుకో//
***