అంశం: నిశిరాతిరి
నిశిలో పసికూన
(తపస్వి మనోహరం అంతర్జాల తెలుగు సాహిత్య పత్రిక)
రచన: పసుమర్తి నాగేశ్వరరావు
ఓ నిశిరాతిరి సమయాన
వినిపించింది నాకో ఆర్తనాదం
చెత్తకుండీలోపల ఓ పసికూన
అభం శుభం తెలియని ఆర్తనాధం
శశి లేని నిశిలో
పసికూన మసిబారి
చెత్తలో చెత్తగా
చిత్త చిత్తగా
ఏడుస్తూ రోదిస్తూ
అమ్మఒడి కానీ
అమ్మలేని ఈ కోన
నిశిరాతిరిలో
నాకెవరు తోడు
నేనెవరికి వద్దా అంటూ
దరి చేర్చుకోమని
ఆకలి దప్పిక తీర్చమని
కెవ్వు కెవ్వున పెట్టిన
రోధన వేదన
ఆ పసి మనసు ఆవేదన
ఎవరు తీర్చగలరు ఆర్చగలరు