నియంతలా సాగిపో
రచన: వడ్డాది రవికాంత్ శర్మ
ధృడ నిశ్చయం ముందుకునెట్టింది …
సంకల్పం తరగని పెట్టుబడిగా మారింది..
అడ్డంకులు వస్తే రానీ….
ఆకర్షణల జోరు పెరిగితే పెరగనివ్వు …
బలంతో బలహీనతని ….
స్పష్టతతో సంక్లిష్టతని ….
దాటుకుపోయే నావే నీ మస్తిష్కము …
తరిగిపోని ఊహాశక్తే నీ సృజనాత్మకత …
వేచిచూస్తే అది చారిత్రక తప్పిదం ….
కాదు కాదు ఈరోజు ఎప్పటికీ ఆలస్య కారకం..
గతం తవ్వుకోవడం వృధా శ్రమ ..
భవిష్యత్తుపై ఆధిపత్యం నీదే సుమా…
సాహస ప్రయాణమైనా …..
అసాధ్యమైన గమ్యం ఐనా ….
పట్టుదలతో భరతం పట్టు …
శత్రువు నవ్వునే ఇంధనంగా …
మిత్రుని నమ్మకాన్ని చుక్కానిలా …
ఎక్కడిలెక్కని అక్కడ సరిదిద్దు ..
నిర్దేశించుకున్న గమ్యంవైపు ..
నియంతలా సాగిపో ….
***