అంశం : అందమైన అబద్దం
ఎన్నికలు అందమైన అబద్దాలు (బుల్లెట్ పాయింట్స్)
(తపస్వి మనోహరం అంతర్జాల తెలుగు సాహిత్య పత్రిక)
రచన : కార్తీక్ నేతి
ఎన్నికలు మొదలు,
గుర్తొస్తారు వోటర్లు.
మొదలుపెడతారు ప్రచారాలు.
చేస్తుంటారు ప్రదిక్షణలు,
మీరే నాయకులంటారు.
మేము సేవకులమంటారు ,
ప్రతిభావంతులకే ఉద్యోగాలంటారు.
అదేపనిగా నమ్మబలుకుతారు,
కర్షకులు దేవుళ్లంటారు.
గిట్టుబాటు ఇస్తామంటారు,
అన్ని ఉచితమంటారు ,
వల వేస్తారు.
అందమైన అబద్దాలాడతారు,
ఓట్లు దండుకుంటారు.
వోటర్లను మారుస్తారు,
స్వలాభం చూసుకుంటారు.