*చైతన్య కణిక*
ఒంటరై వచ్చావు
ఒంటరై వెడతావు
గత జన్మ గురుతులేదు
భవితనీకు తెలియరాదు
నేటి హితులు సుతులు
భవ బంధాలు
నిక్కముగ కాదు కాదు
శాశ్వతము…..
ఎవరికెవరు ఈ జగతిని
*నీ దేహబలం ధనబలం*
*నీ వారినిచూపు ఇంద్రజాలం*
*నీ రుగ్మతలు బలహీనతలు*
*నీ లేమి నీ దైన్యం నీ పొరబాట్లు*
*ఓర్చగలిగితే ఒక్క క్షణం ….
*బంధమనుకో జగతిన*
*లేకున్న బాధ్యతనుకో* …….!!
*కృతజ్ఞత మరిచిన లోకం*
క్షమించేసేయ్ ఆశించక
*నీ ధర్మమే నీకు రక్ష అనుకో*
కన్నీటి సంద్రాలు
నీవు పెంచుకునే బంధాలు
బంధనాల బాంధవ్యాలు
మిథ్యా జగతిన మాయా నాటకాలు .. !!!
శాంతి నివ్వని ప్రేమలు
ప్లాస్టిక్ పువ్వుల పరిమళాలు
ఆశనిపాతమవ్వకు మానసా…!
*మనసే….శూన్యమవ్వగా*
నిశ్చలమై సాగనీ బతుకు నావ
జగత్ సంద్రాన లక్ష్యమే దిశగా…!!
*ఎవరినీ ఏమాశించక*
ఎన్నోఉగాదులు ఎన్నెన్నో
ఆశలకు పునాదులు
నీ సంకల్పం నీ దీక్ష నీ స్వచ్ఛత
నీవు దిద్దుకునే తలరాత
విధి అయిన అబ్బురపడు క్షమత
సాగిపో చైత్రమై వసంతమే
నిత్య కర్మఠవై చైతన్య కణికవై
రచన: రమాదేవి కులకర్ణి