ఎల్లిగడ్డ
(తపస్వి మనోహరం అంతర్జాల తెలుగు సాహిత్య పత్రిక)
రచన: రాధ ఓడూరి
మనం మాట్లాడేది మాతృభాష తెలుగు అయినా ఒక్కో ప్రాంతంలో ఒక్కోరకంగా ఉంటుంది. అది వ్యవహారిక భాషగా ఉంటుంది. ఎవరి అమ్మ వారికి గొప్ప అన్నట్లు ఎవరి వ్యవహారిక భాష వారిది.అందుకే అన్నారు “తెలుగు భాష తియ్యదనం తెలుగు భాష గొప్పదనం తెలుసుకున్న వారికే తెలుగే ఒక మూలధనం”‘ అని. మరి అలాంటి వ్యవహారిక భాషలో వెల్లుల్లి కి ఎల్లిగడ్డ అనేపేరు ఎలా వచ్చిందో తెలుసుకుందాము…ఇది సరదాగా రాసినది చిన్న కథ మాత్రమే అని గమనించగలరు.
*******
యజమాని: వెళ్లి అరకిలో వెల్లుల్లి తీసుకొని రా!
నౌకర్: గెట్లుంటాయ్ సారూ!?
యజమాని: ఉల్లిపాయల్లాగా గడ్డగా ఉండి తెల్లగా ఉంటాయి.
నౌకర్ కి అర్ధం కాలేదు యజమాని చెప్పినది. తల గోక్కుంటూనే ‘ ఒక్క మాటా అర్థం కాలేదు. అయినా తీసికొని రాక తప్పదు సార్ చెప్పినది. లేకపోతే గుస్సా అయైతడుతడు’ అనుకూంటూనే షాపు దగ్గరకు వచ్చి..
నౌకర్: అన్నా! అర్దకిలో ఎల్లిగడ్డ లియ్య్! అన్నాడు.
నౌకర్ భాషలో యజమాని అన్న వెళ్లి అనే పదాన్ని ఉల్లిగడ్డలో గడ్డ అనే పదాన్ని కలిపి ఎల్లిగడ్డ అనే వచ్చేటట్లు వాడాడు.
ఇదిగో అప్పటి నుంచి వెల్లుల్లిని ఎల్లిగడ్డ అని కూడా పిలుస్తున్నారు.
సమాప్తం