మౌనమే నవ్వితే
(తపస్వి మనోహరం అంతర్జాల తెలుగు సాహిత్య పత్రిక)
రచన: సత్య కామఋషి
మౌనం అట నవ్వితే.,
ఏ లెక్కకు చిక్కని,
అరచేతికి దక్కని,
ఏ కనులూ గాంచని.,
ఏ మంచి ముత్యాలు
ఇట జాలువారునో..!
నిస్తేజపు చీకట్లు నిండిన
ఏ మనుసుల వాకిట్లో..
ఆనందపు వెన్నెలల
కళ్లాపి చల్లునో..!
నిండు పున్నమి పొద్ధుల,
వెండి వెలుగునద్దునో..!
తరగని నవ్వు ఫువ్వుల..
సప్తవర్ణ సుమసోయగాల.,
రంగవల్లులను దిద్దునో..!
నిరాశ నిండీ ఒరవడి తగ్గిన
ఏ ఎండమావి గుండె గూటిలో..
ఆశల మరీచీకలు పూయించి,
ఆనందభాష్ప జలధారలనే,
చెక్కిలిపై చెరగని సంతకాల
తీపి గురుతులుగా జాలువార్చునో..!