అమ్మ – అయ్య
రచన: ధరణీప్రగడ వేంకటేశ్వర్లు
ప్రేమకు వేరుగా లేదు అమ్మ,
బాధ్యత కలిపాడు అయ్య;
బువ్వ కావాలంటే పెట్టింది అమ్మ,
సంఘంలో పేరు నిలిపాడు అయ్య;
నా కోసం పాటలు పాడింది అమ్మ,
ఆటలు ఆడించి నేర్పాడు అయ్య;
అనురాగానికి మారు అమ్మ,
అవ్యక్త వాత్సల్యం అయ్య;
మమకారానికి పేరు అమ్మ,
జీవనపథంలో తేరు అయ్య;
అమృత వాక్కు అమ్మ,
సుధా వారధి అయ్య;
నా పుస్తక భూషణం అమ్మ,
అందు అక్షరమాల అయ్య
అమ్మ కళ్ళలో మాధుర్యం చూసి
అయ్య స్వేదంలో సేద తీరాను
అమ్మాఅయ్యలే కదా నా చైతన్యం,
అంతకు మించి అదృష్టం ఏముంది