చిన్ని కిట్టయ్య
ముద్దులొలికే మురళీ కృష్ణుడు,
తేనె పెదవుల చిన్ని కృష్ణుడు,
పాలు కారే పసిడి బుగ్గలతో,
ముద్దులు మూట కడుతున్నాడు.
చూడగానే నచ్చేసాడేమో,
అతివల మనసు దోచేశాడేమో,
మూటకట్టిన ముద్దుల ముత్యాలు,
ఆ ముద్దు వర్షంలో తడిశాడేమో.
వేయి కన్నులు కూడా చాలవు
ఆ అందాన్ని చూడగా…
కోటి ముద్దులు కూడా తక్కువే
ఆ పసి తనాన్ని పలుకరించగా.
పసిపిల్లల రూపంలో చిన్నికృష్ణుడు,
చనుబాలు తాగే ఆ బాల కృష్ణుడు.
ప్రతి మనిషి జీవితానికీ ఓ వరం
చిన్నపిల్లవాడు ముద్దుగా మురిపించాడు
రచన: పి. వి. యన్. కృష్ణవేణి