(అంశం:: “చాదస్తపు మొగుడు”)
తారక మంత్రం!
రచయిత :: వాడపర్తి వెంకటరమణ
తుడిచిందే తుడవమంటాడు/
కడిగిందే కడగమంటాడు/
మీకేమన్నా పిచ్చా అంటే/
పరిశుభ్రత పాటించాలంటాడు/
మసాలాల జోలికి వెళ్ళొందంటాడు/
బయట పదార్థాలు తినొద్దంటాడు/
బుర్రతినకు మహాప్రభో అంటే/
రుచిగా శుచిగా ఉండాలంటాడు/
సినిమాకెళ్దామంటే టి.వి. ఉందంటాడు/
షాపింగుకెళ్దామంటే ఖర్చెందుకంటాడు/
చచ్చేటప్పుడు డబ్బు తీసుకెళ్తామా అంటే/
బతికున్నప్పుడు కావాలిగా అంటాడు/
నా మొగుడి చాదస్తంతో…/
పరిశుభ్రత తూ.చ. తప్పక పాటించి/
క్రిమి కాటునుండి తప్పించుకున్నాం/
వ్యర్థ పదార్థాల బారిన పడకుండా/
ఆరోగ్యాన్ని చక్కగా కాపాడుకున్నాం/
బయట తిరుగుళ్ళు తగ్గించుకుని/
ఆదాయాన్ని సులువుగా పెంచుకున్నాం/
ఇప్పుడు చాదస్తమే తారక మంత్రంలా కనిపిస్తోంది!