అహంభావం
రచన::సావిత్రి కోవూరు
పుడమి నేలిన పురుషులెందరో – విర్రవీగిరి అవనిలో
అంబరమును భువికీ దించిరా – చుక్కలను కోసి తెచ్చిరా
సూర్యచంద్రుల ప్రభలనే తగ్గించిరా – మేఘములను తుంచిరా
జన్మ గుట్టును విప్పిరా – మనిషి మెదడును చదివిరా
కడలి చలనము ఆపిరా – కాలమును ఆప గలిగిరా
విశ్వమంతానిండి ఉండిన – విశ్వాత్మకుడిని చూసిరా
మరణమును ఆపగలిగిరా – మర్మమేమో ఎరిగిరా
దిక్కులను తిప్పగలిగిరా – దివిని చూడా గలిగిరా
జగతి నెల్ల ప్రజ్వరిల్లు – స్వార్థమును మాపగలిగిరా
పాపపుణ్యాలు ఎరగనట్టు – ప్రాణుల సృష్టి చేసి రా
అవని అంతా నాకే అంటూ – రణము చేసిన రాజులెల్లరు
రాలిపోక ఆగిరా – రాశినంత గొని పోయిరా
మారణ హోమాలు చేసిన – మహారాజులెక్కడ పోయిరి
మచ్చుకైనా కానరాక – మట్టిలో కలిసి పోయిరి.
చక్రవర్తిని నేనే అంటూ చాతి విరిచిన వీరులంతా
అంత నాది నాది అంటూ – ఆస్తులు ఎన్నో కూడబెట్టి,
ఆలి అంటూ, పిల్లలంటూ – ఆత్మబంధం పెనవేసిన,
కలసి నడచిర, తుదకు నీతో – ఆస్తులు అయినా, ఆత్మీయులైన
చాలా బాగుంది.ఈ జీవిత సత్యం అర్థం చేసుకుంటే అంతా సంతోషమే.