ఆనంద బాల్యము (గేయం)
(తపస్వి మనోహరం – మనోహరి)
రచన: టీ. వి. ఎల్. గాయత్రి
అవనికి నదులూ తరువులు అందము
అల్లరి పిల్లలు ఇంటికి అందము
అమ్మా నాన్నలతో అనుబంధము
అందరు మెచ్చే సంసార బంధము.
ఆంధ్రుల భాష తెలుగు తీయగ
ఆ తల్లి పాటలు పాడగ
ఆహ్లాదమైనది పిల్లల బాల్యము
ఆటలతో ఆనందముగా గడిపెడి బాల్యము.
ఇలలో మంచిగా నిలిచిన
ఇరవుగ చదువులో వెలిగిన
ఇక్కట్లను మదిలో తల్చక
ఇమ్ముగ గడుపుచు బ్రతుకగ
ఈర్ష్యను రానీయక పెరిగిన
ఈ భువిలో తిరుగుచు
ఈ దేశపు పౌరులై మెలిగిన
బాలలు వర్థిల్లు నిండుగా
సిరులే కురియును మెండుగా