బడి పిల్లలు (గేయకవిత)
(తపస్వి మనోహరం – మనోహరి)
రచన: పి. వి. వి. ఎన్. రాజకుమారి
పిల్లలం బడిపిల్లలం
భవితకు మేము వారసులం. /పిల్లలం/
ఆటల పాటల పేటికలం
రేపటి భారత పౌరలం.
చదువులు ఎన్నో చదివేస్తాం
చక్కని నడవడి నడిచేస్తాం. /పిల్లలం/
తల్లి దండ్రుల కలలకు రూపం
కలల సౌధాన్ని నిర్మిస్తాం.
గురువుల మాటలలో సారం
తరగని గనియె విజ్ఞానం. /పిల్లలం/
తీర్చి దిద్దెడి పసి పాపలం
దేశపు ఆశా కిరణాలం.
పెద్దల యందున గౌరవం
భయము భక్తితో మెలిగేస్తాం. /పిల్లలం/
లోకపు తీరుని ఎరుగని వారం
హరిశ్చంద్రునికి వారసులం.
తరతరాల సంస్కృతినీ
మోసుకు పోయే వీరులం. /పిల్లలం/