అయ్యారే!
అయ్యారే!
కరోనా కష్టం
నాదాకా రాదే, రాలేదని
కుప్పింగతులేశాను.
ఇలా కసి తీర్చుంటుందని
కలనైనా కనలేదు.
ఎదురుచూశా నాడు…
నోములు, వ్రతాలకై…
వస్తాయని శనగలు తాలింపుకై…
జిహ్వ చాపాల్యం తీర్చుటకై.
తలవనైనా లేదు నేడు…
ఆ పేరంటాండ్రని నేనౌతానని.
ఇట్టా బుక్కౌతానని.
ఇంటి దీపం కోసం కట్టా ఈ వేషం
మారేషం కాదండీ…
ముత్తయిదువ నేనండీ.
అంతా ఆలి కోసమే
మీరు గ్రేటని ఆమె నోట
ఇనేటందుకే.