(అంశం:”బానిససంకెళ్లు”)
ఇనుప సంకెళ్ళు
రచన: చైత్రశ్రీ (యర్రాబత్తిన మునీంద్ర)
ఆ గొంతుపై ముద్రలు
గర్వంతో కాలికతికిన
తోలు బూట్ల చిహ్నాలు…
ఆ గుండె గాయాలు
నరం లేని నాలుక
వాగిన మాటల తూటాలు….
ఆ బానిసత్వపు బ్రతుకులు
నియంతలు పెట్టిన భిక్షపాత్రకు
అతికిన మెతుకులు….
ఆ నలిగిన జీవితచక్రాలు
అధైర్యపు ఇరుసుతో అదుపు తప్పిన
భయ బంధిత రథాలు…
ఆ అసహాయ అసువులు
బలవంతులకై ఎదురుచూసే
బలహీన మనసుల ఇనుప సంకెళ్ళ ఆనవాలు..!
***