బోసిపోయినట్లుంది
రచన::వాడపర్తి వెంకటరమణ
చెంగు చెంగున ఎగిరే
లేగదూడల గిట్టల చప్పుళ్ళు లేవు
స్వేచ్ఛగా విహరించే
సీతాకోకచిలుకల దృశ్యాలూ లేవు
హృదయాన్ని పులకరింపజేసే
కాలి పట్టీల సవ్వడులు లేవు
స్నేహానికి భాష్యం చెప్పే
కాకెంగిళ్ళ ప్రహసనాలూ లేవు
జ్ఞాన పవనాలు వీచే ఆ చోటిప్పుడు
గాలి ఆడక నిస్తేజంగా ఎటో చూస్తోంది
పాఠాల పల్లవులు అల్లుకునే ఆ వనం
అల్లరి తూనీగలు అందుబాటులో లేక
తనలో తానే వల్లె వేసుకుంటోంది
మాయదారి మహమ్మారి వచ్చాక
అల్లరి చిల్లరి నీ అలికిడి లేక
ఇన్నాళ్లూ కళకళలాడిన ఆ విద్యావనం
ఇప్పుడు వసివాడి బోసిపోయినట్లుంది!
Super