ధైర్య పవనం కావాలి!!
రచయిత:వాడపర్తి వెంకటరమణ
కాలమిప్పుడు విషాద గీతాలు ఆలపిస్తోంది/
మనిషి చేస్తున్న లెక్కతెగని తప్పిదాలకు/
పగబట్టిన త్రాచులా బుసలుకొడుతూ/
కంటికి కనపడని క్రిమిలా మారి/
నిలువెల్లా విషపు చినుకులు చిమ్ముతోంది!/
కాలమిప్పుడు కఠినంగా ప్రవర్తిస్తోంది/
నిరుడు వికృతంగా తెగిపడ్డ శకలాలను/
నిక్కచ్చిగా ఇంకా ఏరుకునేలేదు/
మళ్ళీ ఆ జీవితాలపై కొండచరియలా/
విరుచుకుపడి విలయతాండవం సృష్టిస్తోంది!/
కాలమిప్పుడు ధ్వంస రచన లిఖిస్తోంది/
బంధాలు బంధుత్వాలని తేడాలేక/
వసంతవనంలో పెను తుఫాను రేపి/
కన్నప్రేమను సైతం కన్నీరు మిగిల్చి/
విధ్వంసంలా మరణ మృదంగం మ్రోగిస్తోంది!/
ఎన్నెన్ని కష్టాలు జనగణం పడుతున్నా/
ఈ కర్కశ కాలానికి కనికరమే లేదు/
జడలువిప్పి పంజా విసురుతూనేవుంది/
ఇప్పుడు భయమనే భూతద్దం కాదు/
గుండెల్నిండా భరోసా నింపే ధైర్య పవనం కావాలి!!
అవును సర్ మీరన్నట్టు ఇప్పుడు కావాల్సింది ధైర్యం… మీరు ధైర్యాన్ని నింపారు మీ రచనతో…చాలా బాగా వ్రాశారు
ధన్యవాదాలు సార్ 🙏
ఈ పరిస్థితిలో కావాల్సింది ధైర్యమే. చాలా చక్కగా చెప్పారు మిత్రమా
ధన్యవాదాలు మిత్రమా 🙏
ప్రస్తుత పరిస్థితులను మీ కవితలో చక్కగా ప్రతిబింబించేలా రాశారండీ.. చాలా బాగుంది అండీ.
ధన్యవాదాలు మేడం 🙏
ప్రస్తుతాన్ని చూపించారు.. చేయాల్సిందేమిటో కూడా చెప్పారు. బాగుందండీ!! 👏👏👏
చాలా బాగుంది అండి
వర్తమాన దయనీయ బతుకు చిత్రం
బాగుంది.
నిరుడు వికృతంగా తెగిపడ్డ శకలాలను
నిక్కచ్చిగా ఇంకా ఏరుకునేలేదు.
👌
భరోసా నింపే ధైర్య పవనం 🙏👏👏👏👏
Good bagundhi
కవిత ప్రస్తుత పరిస్థితులకు అద్దం పట్టే విధంగా ఉంది