(అంశం::”చిత్రం భలారే విచిత్రం”)
ప్రేమ శాశ్వతమా
రచన:: జయ
మది లోని ఆశలకు ఊహలు రెక్కలు తొడిగి
కనులు కనే కలలనే కుంచెగా మార్చి
హరివిల్లు లోని రంగుల్ని అద్ది.
అందమైన చిత్రం గా మలచి
నా ప్రేమ జగతి లోకి స్వేచ్ఛగా వదలడం చిత్రం కదా.!
అది నెరవేరని రోజు.
ఆ కలలు కన్న కనులే కారు మేఘలై
అశ్రుధారలుగా మారి ఆ చిత్రం లోని
రంగులన్ని కాలగర్భంలో కలిసిపోతుంటే
చూసి ఏడవటం విచిత్రమే కదా.!
ఈ లోకమంతా రేయి పగలు తేడా లేక
డబ్బు వెనుక పరుగులు తీస్తుంటే.
కొందరు పిచ్చివాళ్లు మటికి
ప్రేమ ,జాలి,దయ అంటూ తిరిగి
అపనిందలు పాలవ్వడం చిత్రమే కదా.!
ఆరడగుల మనిషే శాశ్వతం కాని ఈ సృష్టిలో
గుప్పెడు గుండె కోరుకునే ప్రేమ శాశ్వతం
అనుకోవడం చిత్రమే కదా.!
ఈ చిత్రాలు అన్ని సృష్టించి
పైనుంచి వేడుక చూస్తున్న.
ఆ చిత్రాల దేవుడు చేసే చిత్రాలు అన్ని.
చిత్రం భలారే విచిత్రం కదా.!
***
ఆరడుగుల మనిషి జీవితం శాశ్వతం కాదు అని చాల గోప్పగా చెప్పారు జయగారు …👏👏👏👏👏👏
Super