వయ్యారి గాలిపటమా.. నీ పయనమెటు?
(తపస్విమనోహరం అంతర్జాల తెలుగు సాహిత్య పత్రిక)
రచన: కందర్ప మూర్తి
వయ్యారి గాలి పటమా
రంగుల చీర సింగారించుకుని
వగలు చూపుతుంటివా
రంగుల వలువలు నాకేనని నీలుగా
నీలి అంబరం నాదేనని ఆనందమా
పవనునితో పరుగులాడు చుంటివా
నింగిలో పక్షులను చూసి నవ్వులాటలా
అంబరమందున ఆహ్లాదమా, ఆనందమా
ఆ గట్టునుంటావా లేక ఈ గట్టుకొస్తావా
ఈ మాంజా(దారం) లేకుంటే నీ పయన మెటు
విధ్యుత్ తీగల నంటితివా గిజగిజ మంటావు
చెట్ల కొమ్మల ముద్దాడితివా మూతి వంకరపోతావు
అంబరాన నీ వగలు చూసి మురిసిపోదురు పిల్లగాళ్లు
డోరీలతో నీ మాంజా గొంతుక కోస్త నంటరు
నీ జీవిత గమ్యం ఈ పుడమేనని మరచిపోకు
దిగు దిగు గాలిపటమా, దిగులేల నీకు.